(Taxation And Customs Training Interactive Campus - TACTIC)
Кампусот за интерактивна обука за даночна и царинска унија е веб базирана интерактивна средина, која во моментот е во подготовка во пилот фаза вклучувајќи одреден број на земји учеснички. Во оваа онлајн средина, Царинските управи кои спроведуваат обуки имаат можност да споделат информации за обуки и ресурси, да споделат добри практики за обука и соработуваат онлајн кон остварување на целта за извонредност во обуките за оданочување и царина во европските земји. Онлајн поврзувањето од овој вид исто така, го олеснува развојот на проекти за обуки во содејство помеѓу земјите.
Активното учество на европските администрации за обуки за царини и оданочување во проекти и активности на TACTIC е добредојдено. Пристап до оваа страна имаат само вработените во Царинската управа на Република Македонија на следнава адреса: http://tactic-learning.eu/
Контекст на заеднички иницијативи за обуки
Член 12 од Програмата Царина 2013 и член 10 од Фискалис 2013 го поставуваат контекстот во рамките на кој, земјите учеснички и Европската комисија работат заеднички на овие и други иницијативи за да одговорат на заедничките потреби од обуки.
Добредојдени се предлози за развој на релевантни курсеви за обука и иницијативи од страна на администрациите кои спроведуваат обуки и претставниците на деловната заедница. Сите прашања и предлози може да се пратат на следнава адреса: obuki@customs.gov.mk