Почитувани посетители,

Ви посакувам добредојде на Интернет страната на Царинската управа на Република Македонија. Интернет страната, претставува обид да ја претставиме Царинската управа, нејзината организација, начинот и делокругот на работа.

Во оваа насока Царинската управа има многу важна улога. Прво, бидејќи Царината е на браникот на економската глобализација и управувањето со меѓународната трговија. Второ, бидејќи царинските постапки и практики имаат директно влијание на конкуретноста на нашите компании. Трето, бидејќи на Царинската управа и е доверена улогата за заштита на здравјето и безбедноста на нашите граѓани од опасноста на фалсификувани и шверцувани стоки.

Царината треба да одговори на предизвиците на глобализацијата. Царината мора да биде соодветно опремена за да ја зголеми нашата сигурност, со истовремено олеснување и поедноставување на царинските постапки.

Ние не можеме да избегаме од одговорноста да го заштитиме нашето општество, нашата економија и нашата животна средина од ризиците што ни се закануваат. Ризиците на нашето време се различни и бргу се менуваат, како што се организиран криминал, меѓународен тероризам, фалсификати и отпади што ја загрозуваат животната средина.

Меѓународната трговија е клучна карактеристика на нашата економија, бидејќи се врши размена на стоки и ресурси кои му се потребни на секое општество. Тоа значи, дека покрај отварањето на европските пазари за нашите стоки, ние треба да ја поедноставиме до највисок можен степен царинската постапка, преку брзи, ефикасни и транспаретни царински постапки.

Убеден сум дека на Интернет страната ќе најдете многу корисни и практични информации за царинското работење и дека презентираните информации и услуги ќе придонесат за јакнење на соработката помеѓу Царината и приватниот сектор.

Со почит,

Ванчо Каргов
Директор