Ве известуваме дека Системот за обработка на царински декларации и акцизни документи (СОЦДАД) е повторно ставен во функција.

Ве известуваме дека поднесените декларации за извоз за кои системот СОЦДАД не вратил повратна порака (CC928 или CC516) да ги обработувате во системот АСИКУДА до недела, 23 јуни до 08:00 часот.

Националниот координативен центар за гранично управување при Владата на Република Северна Македонија и Асоцијацијата на превозници Макам Транс Скопје денес, 20 јуни 2019 година потпишаа Меморандумот за соработка чија цел е унапредување на прекуграничното управување и борба со организираниот криминал и корупција.

Царинската управа во насока на подготовка на бизнис заедницата за работа со новиот систем за обработка на царински декларации, организира обука за спроведување на увозна постапка со примена на СОЦДАД.

Ве известуваме дека Системот за обработка на царински декларации и акцизни документи (СОЦДАД) е повторно ставен во функција. 

Делегација на Царинската управа на Република Хрватска, предводена од генералниот директор и помошник министер за финансии, г-дин Хрвоје Човиќ на 12 јуни 2019 година, престојуваше во работна посета на Република Северна Македонија. Во рамките на посетата се одржа работилница и консултации за искуствата на царината на Република Хрватска за процесот на прилагодување и примена на националното царинско законодавство со истото на Европска унија во процесот на пристапувањето кон ЕУ, како и примената поедноставувања во царинската постапка.

На 14.06.2019 година, во Охрид заврши двонеделна обука за управување со чамци под покровителство на Програмата за контрола на извозот и граничната безбедност (EXBS) при Амбасадата на САД во Република Северна Македонија, а наменета за царински и полициски службеници од Северна Македонија, Албанија и Косово.

На 12.06 и 13.06 во хотелот Хилтон се одржа дводневен состанок на Управната група за преземени обврски за безбедност во рамки на Берлинскиот процес. Состанокот го отворија г.Dominik Otway – заменик шеф на мисијата, претставник на British Embassy Skopje, Joanna West – директор на стратегијата за справување со организиран криминал на Министерство за внатрешни работи на Обединетото Кралство и Министерот за внатрешни работи г. Оливер Спасовски.

Почитувани,

Царинската управа ве известува дека почнувајќи од понеделник, 17 јуни 2019 година, новиот Систем за обработка на царински декларации и акцизни документи (СОЦДАД) за увозни постапки се става во функција во царинските испостави Куманово и Струмица. Сите увозни декларации почнувајќи од овој датум во наведените царински испостави задолжително треба да се поднесуваат во СОЦДАД.

На 11 јуни 2019 година, директорот на Царинската управа на Република Северна Македонија учествуваше на четвртиот неформален регионален Состанок на директорите на Царинските управи од Западен Балкан, што се одржа во Приштина, Косово.