Денес (04.12.2019) во Скопје, државите што ја применуваат постапката на заеднички транзит на Европската унија (меѓу кои и Република Северна Македонија) се состанаа на 32-от состанок на заедничките комитети Конвенциите за заеднички транзит (NCTS) и поедноставување на формалностите за трговија со стока.

Состанокот на ниво на транзитни координатори и директори на Царинските управи се одржува еднаш годишно на високо ниво на кој се расправа за низа прашања поврзани со слободното движење на стоки и транзитот во ЕУ и државите што го користат Новиот компјутеризиран транзитен систем (НКТС). На состанокот на кој учествуваа и земји набљудувачи, присутните претставници го усвоија Извештајот од претходниот 31-ви состанок и расправаа за предлогот на измени на Конвенцијата за заеднички транзит поврзани со измените на одредени нови одредби од законодавството на Унијата.

Европската комисија информираше и за измените предвидени за 2020 година, што ќе регулираат прашања околу општа гаранција, изземање од обврска за поднесување на гаранција, взаемна соработка околу наплата на побарување поврзано со царински долг.
Споделените информации вклучија и известување околу функционирањето на Новиот систем за заеднички транзит (NCTS) и околу периодот на спроведувањето на фаза 5 (2021-2023) која е веќе договорена од земјите членки во рамки на работната програма за Царинскиот закон на Унијата.

Европскиот транзит или заедничкиот транзит е една од најважните придобивки на Европската царинска унија. Членки на Конвенцијата за заедничка транзитна постапка се сите 28 земји членки на ЕУ, четирите земји членки на ЕФТА, Норвешка, Исланд, Швајцарија и Лихтенштајн, Турција, Република Северна Македонија и Србија. Република Северна Македонија од 1 јули 2015 год. стана 34-тата земја членка на оваа конвенција и е дел од овој единствен царински систем во кој нашите царински испостави рамноправно ќе учествуваат заедно со околу 3000 царински испостави од земјите членки.  Секоја година бројот на камиони што ја користат оваа постапка постојано се зголемува.

Република Северна Македонија ги презентираше предностите што во земјата се применуваат со воведената постапка на заеднички транзит и достигнатиот развој во нејзина примена, како една од најсовремените алатки за олеснување на трговијата и интеграцијата на заедничкиот европски пазaр.

IMG_6587
IMG_6589
IMG_6627
IMG_6669
IMG_6710
Previous Next Play Pause
1 2 3 4 5

Ве известуваме дека тестната околина на Системот за обработка на царински декларации и акцизни документи (СОЦДАД), после направената миграција е ставена во продукција.

Со почит

Ве известуваме дека поради миграција на нова хардверска опрема, тестната околина на Системот за обработка на царински декларации и акцизни документи (СОЦДАД),ќе биде привремено недостапна.

По ставање на функција ќе бидете известени.

Благодариме за разбирањето

 

 

Денес, 03.12.2019 година, во Скопје се одржа завршен настан за Твининг проектот „Зајакнување на оперативните и институционални капацитети на Царинската управа “.

Успешниот крај на проектот кој го одбележуваме денес, а чија реализација започна во септември 2017 година, е само уште една потврда за одличната соработка помеѓу Царинските служби на Република Северна  Македонија, Република Австрија и Република Литванија, а преку несебична поддршка на Европската унија со вкупен буџет од 1.6 милиони евра.

Зголемени приходи, откривање и спречување измами преку таргетирани контроли, поедноставени и поефикасни процедури, зајакнат административен капацитет, поголема операбилност, натамошно усогласување на домашното со европското законодавство и доближување на земјата до пазарот на ЕУ и Царинската унија, се дел од придобивките кои се реализираа преку четирите компоненти на твининг проектот: контрола на царинењето и ревизија, управување со ризик, обезбедување опрема за царинска лабораторија и обуки.

Царинската управа како долгогодишен корисник на ЕУ фондовите има реализирано повеќе успешни ИПА проекти, благодарение на кои се создадоа услови за дигитализација на царинското работење и обезбедување на бесхартиена околина. Денес Царинската управа поседува современ интегриран систем кој овозможува целосно електронско работење, компатибилен на системите на Европската Унија.

На настанот беа презентирани проектните резултатати од страна на проектните лидери, а свое обраќање имаа г-дин Георг Вуцас, Амбасадор на Република Австрија, г-дин Фрик Јанмат, раководител на оперативно одделение при  Делегација на Европската унија, г-ѓа Цанета Хаидрун, директор на Агенцијата за европски интеграции и економски развој на Република Австрија и  г-дин Ѓоко Танасоски, директор на Царинска управа на Република Северна Македонија. Сите  ја истакнаа значајноста на проектот и остварените резултати, постигнати благодарение на одличната соработка помеѓу Царинските служби на Република Северна  Македонија, Република Австрија и Република Литванија, како и поддршката од Европска унија и Владата на Република Северна Македонија.  

IMG_20191203_104527 (2)
IMG_20191203_104537 (2)
IMG_20191203_104549 (2)
IMG_20191203_104609 (2)
IMG_20191203_104620 (2)
IMG_20191203_104630 (2)
IMG_20191203_104644 (2)
IMG_20191203_104709 (2)
IMG_20191203_104724 (2)
Previous Next Play Pause
1 2 3 4 5 6 7 8 9

 

Под покровителство на Министерство за трговија на Кина, а во организација на Секретаријатот за европски прашања, од 29.11 до 12.12.2019 година, претставници од Царинската управа на Република Северна Македонија посетуваат семинар за за е-трговија и меѓугранична е-трговија во Кина.

Семинарот со поздравно обраќање го отвори г-ѓа Зонг Пингуа, директор на тренинг центарот на Џиангши колеџот за странски студии во Нанчанг, а свои обраќања имаа и ѓа Хуанг Шечин, директор на одделот за меѓународна економска соработка на Јангџи колеџот за странски студии во Џиангши, како и г-ѓа Zuica Zmejkovska - советник за мониторинг и евалуација на Европските фондови во Секретаријат за Европски прашања на Северна Македонија.

Растечкиот сектор за е-трговија е од огромна корист за економиите, обезбедува нови движечки сили за раст, развој на нови трговски практики, воведува нови трендови на потрошувачка и создавање нови работни места. Е-трговија е осебено важна за раст на микро, малите и средни претпријатија во однос на поширок пристап до странските пазари со намалување на влезните бариери и намалување на оперативните трошоци.Овој семинар ќе им овозможи на присутните да се запознаат со:
➡ Е-трговијата и меѓуграничната е-трговија на Народна Република Кина
➡ Финансиската поддршка од банките и останатите институции за компаниите кои се занимаваат со меѓугранична е-трговија
➡ Развојот и поставеноста на закононите на е-трговијата во Кина
➡ Разликите и сличностите помеѓу меѓуграничната е-трговија и традиционалната трговска размена
➡ Поддршката од царинската управа во развојот на меѓугранична е-трговија
➡ Вовед во платформата за глобална меѓугранична е-трговија
➡ Изградбата на меѓуграничниот платежен систем за е-трговија на Кина, како и анализа на неколку компании преку студија на случај кои ќе ја доближат е-трговијата во Кина поблиску до нас.

Покрај претставниците на Царинска управа, на семинарот се присутни 20 претставници од повеќе сите релевантни институции од Република Северна Македонија (Асоцијација за е-трговија на Македонија, Секретариjат За Европски Прашанjа - СЕП, Комисија за заштита на конкуренција, Централен Регистар Министерство за финансии, Министерство за економија и Влада на Република Северна Македонија.

78189856_2449138281850921_5230840128632520704_n
79180632_560374031428404_1122388689473765376_n
brosura korupcija 2
kina1-958x638
Previous Next Play Pause
1 2 3 4

 

Во текот на минатите две недели, царинските службеници спречија повеќе обиди за криумчарење разна стока, при што се задржани хируршки материјали, стакла за очила, леќи за очи,  турбо пумпи, делови за разладни витрини, делови за товарни возила, облека и цигари.

 

Царинската управа од 01.11.2019 година започна со презентации на модулите во СОЦДАД од аспект на акцизното работење. Новиот Закон за акцизите (Службен весник на РСМ број 108/19, 143/19 и 225/19) http://customs.gov.mk/index.php/mk/za-nas-mk/carinska-regulativa/zakon-za-akcizite-mk ќе се применува од 01 јануари 2020 година со кој паралелно ќе започне и примена на СОЦДАД во делот за акцизи.

На 18.11.2019 година во просториите на царинска испостава Пошта, директорот на царинска управа м-р Ѓоко Тансоски и министерката за финансии д-р Нина Ангеловска, го промовираа скенерот за контрола на поштенски пратки, донација на Амбасадата на САД во Република Северна Македонија.

Скенерот ќе овозможи поштенските пратки да се гледаат веднаш при добивање, со што се крати процедурата за доставување до крајниот корисник за два-три дена, како и намалување на трошоците на граѓаните бидејќи пратките за кои ќе се утврди дека во нив нема нешто сомнително, веднаш се пуштаат до примачот, без задржување во поштенските простории и наплата на трошоци.

- Од гледна точка на Царината, е-трговијата се користи за продажба на физички производи преку интернет, вклучително и фалсификувани производи, за кои ние, како Царинска управа мораме да бидеме спремни и да превенираме евентуален внес на каква било недозволива стока. Со употребата на скенерот ќе се забрза прегледот на е-пратките и ќе се зголеми можноста за откривање на недозволена трговија. Ако зборуваме за безбедноста, пред сѐ за заштита на населението, што е една од примарните задачи на Царинската управа, скенерот овозможува детектирање на пратки кои согласно позитивните законски прописи содржат материи кои се забранети за внесување во нашата држава. Од друга страна, наша задача е да го заштитиме правото на интелектуална сопственост, како и други мерки на трговска политика- посочи директорот Танасоски.

Директорот Танасоски најави дека од наредната година заедно со Царинската управа на Јужна Кореја и Светската царинска организација почнува проект за добивање податоци пред да пристигне пратката со што во голема мера се забрзува царинската постапка, се овозможува анализа на ризик, односно,како што рече, обработка на податоците со што доста ефикасно ќе се изврши контролата од наша страна и сето тоа како резултат ќе има скратување на времето на достава и по неколку пати во однос  на она што е сега и она што го напомена со индексот и министерката.Исто така најави и дека следната година, Република Северна Македонија преку Царинската управа, како претседавач на ЦЕФТА поткомитетот ќе предложи нов регионален договор за регулирање на е-трговијата во рамките на ЦЕФТА земјите. Овој договор треба да придонесе за значително подобро регулирање на е-трговијата во ЦЕФТА и поедноставување на царинските постапки за извоз и увоз. Ова истовремено треба да обезбеди поголема вклученост на малите трговци и пороизводители 

-Кога зборуваме за олеснувањето на прекуграничната е-трговија треба да се земат предвид двете страни. Константни се барањето на граѓаните за зголемување на прагот на вредноста на стоки што подлежат на ослободување од плаќање на царина. Од друга страна има голем притисок на одредена категорија на граѓани кои низ превезот на поголеми повластици сакаат да вршат нелегална трговија. Затоа работиме на  подобрување на процесите и зголемување на ефикасноста - рече министерката Нина Ангеловска. 

Укажувајќи дека има значителен простор за подобрување, министерката Ангеловска посочи дека употребата на скенерот е еден чекор за подобрување на Индексот на логистички перформанси, кој ја мери ефикасноста и квалитетот на поштенската испорака и е многу значаен за развој на електронската трговија, со што ќе овозможи без да се отвораат пратките да се види што има во нив. Со тоа се намалува можноста за злоупотреба и се врши автоматизација на процесот. Освен на олеснување на увозот, се работи и на олеснување на извозот. 

Исто така за време на презентацијата, истакнато беше и дека во тек се сеопфатни анализи кои ќе покажат кој е оптималниот праг за ослободување од увозни давачки кај малите пратки, по што ќе следи негово зголемување. 

Скенерот кој веќе се користи во царинска испостава Пошта е донација преку програмата EXBS од амбасадата на САД во РС Македонија, со вредност од 59.000 долари. Вкупната донација на опрема изнесува 80.000 долари, вклучително и обука на вработените за користење на софтверот кој го содржи со цел максимално да се искористи потенцијалот кој ни го нуди. 

Амбасадата на САД преку Програмата EXBS во изминатите години ѝ донираше на Царинската управа оперативна опрема во вредност од над 2 милиони американски долари, а со цел да се унапреди целокупното царинско работење и да се остварат подобри резултати во олеснувањето на меѓународната трговија и зачувување на безбедноста на општеството. Резултатите од донираната опрема се мерливи и покажуваат импозантна бројка на заплени. Со примена на опрема слична на оваа за која денес зборуваме, спречени се бројни обиди за криумчарења, што е од огромна важност пред сѐ за безбедноста на општеството, но и за спречување на обиди за оштетување на буџетот.

 

thumbnail_IMG_20191118_122942
thumbnail_IMG_20191118_122942
thumbnail_IMG_20191118_123128
thumbnail_IMG_20191118_123128
мали пратки 1
мали пратки 1
мали пратки
мали пратки
нина ангеловска
нина ангеловска
царина
царина
Previous Next Play Pause
1 2 3 4 5 6

 

Делегација на Царинската управа на Република Македонија предводена од директорот Ѓоко Танасоски на 13.11.2019 година учествуваше на 16-тиот состанок на Поткомитетот за трговија, индустрија, царина и оданочување што се одржа во Брисел. 

 

Почитувани корисници,

Известуваме дека денес 14 ноември во период од 17 до 19 часот поради миграција на нова инфраструктура на Интегрираната тарифна околина нема да бидат во функција Системот за обработка на царински декларации и акцизни документи- СОЦДАД и Интегрираната тарифна околина - ИТО.

Благодариме на разбирањето.