Në javën e kaluar, gjatë zbatimit të kontrolleve të rregullta në vendkalimet kufitare dhe në njësitë e brendshme doganore, doganierët kanë ndalur shumë tentime për futjen e mallrave të falsifikuar dhe të padeklaruar.

 

Për shkak dyshimit të arsyeshëm se bëhet fjalë për falsifikat të markave të mbrojtura tregtare pëkohësisht janë konfiskuar:

-          1.712 palë syza me logo të markave të mbrojtura tregtare Police, Rayban, Dior dhe Armani, të cilat janë zbuluar nga ekipet mobile gjatë kontrollit detal të automjeteve transportuese me targa regjistrimi të Turqisë, i drejtuar nga shtetas i Turqisë, i paraqitur për hyrje në RM në vendkalimin kufitar Deve Bair. Automjeti ka qenë i ngarkuar me mallra të ndryshëm me prejardhje nga Dubai , të dedikuar për importues nga Kosova.

-          116 prodhime tekstili (maica, pantallona, komplete për fëmijë dhe fanella) me logo të markave tregtare Levis, Ferre, Dolce&Gabanna, Hugo Boss, Armani, Energie, Cavalli, Tomy Hilfinger, Okaidi, Polo dhe Adidas, të zbuluar gjatë kontrollit të mallit me prejardhje nga Turqia, të deklaruar për doganim importues në njësinë doganore Shkup 1, nga një firmë importuese nga Strumica.

 

Në pajtim me dizpozitat nga Ligji për mbrojtjen e të drejtave nga pronësia intelektuale, Drejtoria doganore e RM do të fillon procedurë për vërtetimin e origjinalitetit të mallit.  

 

Përveç kësaj, doganierët përkohësisht kanë konfiskuar edhe mallin e padeklaruar në vijim:

-          3.740 metra letër për kardiograf, të zbuluar gjatë kontrollit doganor të automjetit të pasagjerëve me targa regjistrimi të Kosovës, i drejtuar nga shtetas i Kosovës, i cili është paraqitur për hyrje në vend në vendkalimin kufitar Deve Bair. Malli i padeklaruar është fshehur në torbat e udhëtimit, në mes të punëve personale të shoferit dhe në hapësirat tek goma rezerve të automjetit.

-          47 pako (shteka) cigare (LD, Rodeo Slim dhe Rodeo 3- logic) me marka kontrolli të Maqedonisë, të zbuluar nga ana ekipeve mobile gjatë kontrollit të automjetit të pasagjerëve me targa të Bullgarisë, i drejtuar nga shtetas i Bullgarisë, i paraqitur për dalje nga vendi në vendkalimin kufitar Novo Sellë. Malli i padeklaruar është fshehur në dyert dhe nën kariget e automjetit.

-          630 prodhime tekstili (çorape, maica dhe veshje të brendshme) të zbuluar gjatë kontrollit doganor të automjetit të pasagjerëve – taksi, me targa të Maqedonisë, i paraqitur për hyrje në vend në vendkalimin kufitar Bllacë. Malli i padeklaruar, në pronësi të dy shtetasve Maqedonas, është zbuluar prapa karigeve të pasme, në hapësirat e bagazhit dhe tek goma rezerve e automjetit.