Ju njoftojmë se të shtunën (03.07.2010), doganierët nga vendkalimi kufitar Bllacë parandaluan një përpjekje për të importuar drogë heroinë në peshë prej afër 1kg.

 

Pikërisht, rreth orës 16.30, për hyrje në Republikën e Maqedonisë është paraqitur autobus me targa regjistrimi të Maqedonisë në pronësi të një kompanie nga Struga, i cili ka qarkulluar në linjën e rregullt Prishtinë – Bllacë – Shkup – Strugë. Autobusi është drejtuar nga personi me iniciale I.E nga Shkupi.

 

Gjatë kontrollit të autobusit në mes karrigeve me numër 39 dhe 40, doganierët kanë zbuluar 2 pako me materie pluhur të panjohur me peshë prej 1.015 gramë.   

 

Materia pluhur e panjohur si dhe të dyshuarit janë marrë nga inspektorët doganor nga reparti i hetimit. Pas testimit fillestar, kur u konstatua se bëhet fjalë për heroinë, materia pluhur e panjohur është dorëzuar për ekspertizë në MPB – Reparti për teknikë kriminalistike, nga ku konfirmuan dyshimet fillestare dhe është konstatuar se heronini është me peshë prej 980 gramë.

 

Me personat e dyshuar është kryer një bisedë zyrtare dhe pas konstatimit të gjendjes faktike dhe grumbullimit të provave materiale, te Prokuroria Publike në Shkup është ngritur kallëzim penal kundër një shtetasi të Maqedonisë dhe një shtetasi të Kosovës, për shkak ekzistimit të dyshimit se kanë bërë vepër penale “prodhim i paautorizuar dhe lëshim në qarkullim i drogave narkotike, substancave psikotrope dhe prekursorë”.