Забрани и ограничувања
Забраните и ограничувањата се мерки кои претставуваат прописи кои ја регулираат трговијата со стоки, а со цел да се обезбеди заштита на здравјето и животот на луѓето, животните и растенијата, заштита на животната средина и природата; заштита на националното стопанство и националното богатство со уметничка, историска или археолошка вредност. За правилно спроведување на забраните и ограничувањата повеќе надлежни институции согласно пооделни закони имаат надлежност да издават дозволи, одобренија или согласности за соодветната царинска постапка.
Надлежен орган за спроведување на контролата во поглед на ограничувањата и забраните при увоз, извоз и транзит е Царинската управа преку своите организациони единици.
Областите по кои постапува Царинската управа се следните:
- храна и ветеринарството
- земјоделство
- здравствената заштита
- заштитата на животната средина
- радијациона сигурност
- безбедност на производи
- стратешките стоки ( оружје, воени стоки и стоки и технологии со двојна употреба)
- превозот на опасни материи
- меѓународни рестриктивни мерки
- прописи од областа на културното наследство
- девизно работење и др.
Во соработка со надлежните институции интегрирани се мерките за контрола во ТАРИМ модулот. Интеграцијата на мерките во ТАРИМ се врши врз основа на точно дефинирани податоци за тарифната ознака, законската регулатива, како и податоци за видот на лиценцата.
Подетални информации за интегрираните мерки во ТАРИМ модулот можете да најдете на следниот линк:
https://ite.customs.gov.mk:8080/masterApp/;jsessionid=opsYV6Q3HBE4O2j1xDlKdDh1.undefined